გია ბერიაშვილი წარსულში საქართველოს შსს განსაკურებულ დავალებათა დეპარტამენტის სპეციალური დანიშნულების რაზმის მებრძოლი იყო, კარიერა მუხროვანის ბატალიონში დაიწყო, იყო 2008 წლის აგვისტოს ომის მონაწილე. პოლიციის პოლკოვნიკს სხვადასხვა დროს მინიჭებული ჰქონდა შსს-ს მედალიონი "განსაკუთრებული დამსახურებისა და გაწეული ღვაწლისათვის" და მედალი "მამაცობისთვის". ბერიაშვილი უკრაინელთა მხარეს 2014-15 წლებშიც იბრძოდა, ბოლო პერიოდში ბრიტანეთში იმყოფებოდა, თუმცა მარტის დასაწყისში ისევ უკრაინაში დაბრუნდა. „ის შეუდარებელი კაცი იყო, მიჭირს წარსულში გიაზე ლაპარაკი, მაგრამ, ბევრი ვაჟკაცი ინატრებდა ასეთ სიკვდილს, მან თავისი სული უკვდავყო, ის ორი ქვეყნის გმირია, უკრაინის და საქართველოსი“ - ამბობს გია ბერიაშვილის თანამებრძოლი ვეფხია კასრაძე.

  რუს ოკუპანტებთან ბრძოლას მესტიელი, უკრაინაში მებრძოლი ჯარისკაცი, დავით რატიანი შეეწირა... როგორც სხვა, უკრაინაში მებრძოლი ქართვრლები ამბობენ- გამთენიისას უკრაინული ჯარის ფორმებში გადაცმული რუს ოკუპანტთა სამი ტანკი თავს დაესხა მათ, გარდაცვლილია კიდევ ერთი ქართველი მებრძოლი და ფრანგი მოხალისე...